Ўзбекистон Республикасининг Олмаота шаҳридаги Бош консулхона аҳбороти

Жорий йилнинг 22 ноябрь куни Олмаота шаҳридаги Бош консулхона ходимлари Туркистон вилояти, Сариёғоч туманида жойлашган “Жибек-жоли” чегара назорат ўтказиш пунктида чегара хизмати ходими билан тўпланиб қолган Ўзбекистон фуқароларини чегарани қонуний кесиб ўтишлари ва юзага келаётган муаммоларни ечими бўйича учрашув ўтказди.

Шундан сўнг, Сариёғоч туман судининг маъмурий ишлар бўйича суди раиси билан суд биноси олдида тўпланиб қолган фуқароларни қисқа муддат ичида суд иши кўриб чиқилиши, шунингдек, фуқароларнинг ҳуқуқий манфаатларини ҳимоя қилиниши масалалари юзасидан учрашув ўтказилди.

Шунинг билан бирга, суд биноси олдида Қозоғистон миграция қонунчилигини бузганлиги ва маъмурий жарима ёки мамлакатдан мажбурий тартибда чиқариб юборилиши бўйича суд қарорини кутиб турган фуқаролар билан суҳбат ўтказилиб, консуллик-ҳуқуқий масалалари бўйича ва Қозоғистон ҳудудида бўлиб туриш, янги тартибдаги қонунчилик тўғрисида ҳуқуқий маслаҳатлар ва маълумотлар берилди.